مَـردَکےءَ نـوکـیـں هـوٹـلے پَـچ کُـرت آئـیءَ جـار جَـت هَـرچ گِـراکے مـاں مَـنـی هـوٹـلءَ وَرَگ بُـورات وَرَگءَ پـیـسَـر مَـن آ گِـراکءَ مُـپـتـیـں آپـِشـک (شـوربـا) واریـن اوں بَـهـیـلےءَ هـال رَس اِت کِـہ مـاں اِے هـوٹـلءَ آپـِشـک(شـوربـا) مُـپـتءَ واریـن اَنـت وَشـهـال بـوُت ، اولی روچءِ سُـبـارَگءَ شُـت ءُ نِـشـت هـوٹـل والاءَ آپـشـک آورتءُ دیـمـا دات اَنـت بَـهـیـلءَ آپـشـک وارت اَنـتءُ شُـت ، شـامءَ پَـدا شُـتءُ نِـشـت هـوٹـل والاءَ آپـشـک آورت ءُ دیـمـا دات اَنـت آئـیءَ وارت اَنـت ءُ شُـت ، دومـی روچءَ بَـهـیـل پَـدا آتـک ءُ نِـشـت هـوٹـل والاءَ چـاراِت اِے مَـردَک اِیـوَکءَ مُـپـتـیـں آپـشـکءِ وَرَگءَ آیَـگءُ رَوَگ اِنـت وَرَگ نَـہ وَرَگ اِنـت هـوٹـل والاءَ پِـنـچّے واد آپـشـکانءَ مـاں کُـرتءُ بَـهـیـلءِ دیـمـا دات اَنـت بَـهـیـلءَ زوتَـکے آپـشّـک وارت اَنـت آئـیءَ لاپ رِچے گِـپـت زوتَـکے چَـہ هـوٹـلءَ دَرآتـکءُ شُـت کَـمّے راهءَ دور شُـت دِگے بَـهـیـلے هَـمے هـوٹـلءَ شـوهـازءَ کَـنَـگءَاَت آ بَـهـیـلءَ چَـہ اے بَـهـیـل جُـسـت کُـرت هَـمے هـوٹـل کِـہ مُـپـتـیـں آپـشـک واریـنَـگءَ اِنـت کُـجااِنـت ؟ اے بَـهـیـلءَ وَتـی پُـشـتءِ نِـیـمَـگءِ راهءَ پـیـش داشـت ءُ گـوَشـت تـو اِے زَردیـں کِـشـکءَ گِـنـدَگءَ ئَے هَـمے زَردیـں کِـشـکءَ بـہ گِـرءُ بُـرو اِے زَردیـں کِـشـک تَـرا هَـمـا هـوٹـلءِ دَپءَ بـارتءُ رَسـیـن ایـت.
سَـنـگَـتے چَـہ وَتـی سَـنـگَـتءَ جُـسـت کُـرت ، تـو وَتـی زالءَ چے گـوَش ئَے کـہ آ مُـدام چَـہ تـو وَژّدل اِنـت؟ سَـنـگـتءَ گـوَشـت تـو بـیـا مَـنـی لـوگءَ پَـہ وَتـی چَـمّـاں بـچـار، سَـنـگَـتءَ وَتـی زال تَـوار جَـت ، دلـبَـر تـو بـیـا ادا ، زال آتـک ، آئـیءَ جُـسـت َکُـرت مَـنـی دلـبَـر تـو آ مـاهءَ گـنـدَگءَئے ؟ زالءَ گـوَشـت هَـو ، آئـیءَ گـُوَشـت زال مَـن تَـرا چَـہ آ مـاهءَ وَشّـرَنـگـتِـر گِـنـدَگءَ اوں ، آئـی ءِ زال وَژّدِل بـوُت ، آدگـے سَـنـگـت وَتـی لـوگءَ شُـت ، آئـیءَ وَتـی زال تَـوار جَـت ، زال تـو بـیـا ادا ، آئـیءَ جُـسـت کُـرت ، زال تـو آ مـاهءَ گندَگءَئے ؟ زالءَ گـوَشـت هَـو مَـن آ مـاهءَ گـنـدَگ اوں تـئـی هَـیـالءَ مَـن هَـنـچـو کـوراوں کِـہ آ بَـلاهـیـں مـاهءَ نَـہ گِـنـداوں .
نبشتانکار:ادبی هکیم
