بـاپـارءُ تَـمَـرد ( شَـیـتـان ) ءِ بـرات

ادبـی هکـیـم
———————————–
بـاپـارے هَـسـت اَت آئـیءَ مُـدام چـہ دَریـں مُـلـکـاں بـاپـاریءِ مـال زُرتءُ آورت ، یَـکّےءَ شـور دات چـہ هـنـدوسـتـان ءَ مـال بـیـار آئـیءِ نـپءُ سـوُت گـیـشـتـر بَـنـت گــڑا آئـیءَ وَتـی سـرجَـمـیـں کـلـدار کـارمـرز کـرت اَنـت

آئـیءَ وَت بـوجـیـگے زرت ءُ هـنـدوسـتـانءَ شُـت مـالءِ زوُرَگءَ رَنـد آ دیـم پـہ وَتـی مُـلـکءَ واتَـر کـرت ، وَهــدے کـہ مـاں زرءِ درمـیـانءَ رس اِت چـہ گـیـبءَ گـوات ءُ هَـورءِ یـک مـزنـیـں شـرتَـکے آتـک گـوں شـرتَـکءِ آیَـگءَ زِر مَـسـت بـوُت بـوجـیـگءِ اے گـوَرءُ آ گـوَرءَ تـیـلانـک دات بـاپـارپـہ دُواءُ پـریـاتءَ لـگّ اِت آئـیءَ گـوَشـت اَے هـاوَنــد مـن وَتـی سـرجـمـیـں کـلـدار مـال کـرتَـگ اَنـت نوں اگـاں تـو بـوجـیـگءَ بـہ ڈبّـیـن ئَے گـڑا مـنـی مـال ءُ مـنـی زنـد دوئـیـں نُکـس بَـنـت اَے هـاوَنــد مـنـی مـالءُ مـنـی زنــدءَ بـہ رَکّـیـں بـلے هـرچـا کـہ بـاپـارءَ دُوا لـوٹ اِت شـرتَـک تـرُنـدتـر کَـشّ اِت آسَـرءَ بـاپـارءَ تَـمَـرد (شـیـتـان)ءَ تـوار جَـت آئـیءَ گـوَشـت اَے تَـمَـرد بـیـا مـنءَ بـہ رَکّـیـں اَگـاں تـو مـنءَ چـہ مـروچـیـگـیـں شـرتَـکءَ بـہ رَکّـیـن ئَے مَـن وَتـی مـالءِ نـیـم زَرّ تـرا دَیـاں هَـمـا دَمـانءَ شـرتَـگ بـَنـد بـوُت هَـورءَ بُـرّاِت بـاپـارءُ آئـیءِ مـال پـہ وَشّـی مُـلـکءَ شُـت ءُ سَـر بـوُت اَنـت بـاپـارءَ وَتـی مـال گـوں آدگے سَـوداگِـراں بُـهـا کـُـرت اَنـت بـازیـں نَـپے آئـیءَ رَس اِت رَنـدا تَـمَـردءِ هَـیـالءَ کـپـت کـہ آئـیءَ تـمَـردءَ زَرّءِ نـیـم کـول داتَـگ اَنـت گــڑا بـاپـارءَ مـالءِ نـیـم زَرّ مـاں پـیـتـی یے کـرت اَنـت پـہ تَـمَـردءِ شـوهـازءَ دَرکـپـت چـہ هَـمُکّ کـسءَ جُـسـت کـنـاں بـوُت بـلے هـر کـسءَ گـوَشـت ما تَـمَـردءَ نـہ گـنـدایـں مـا آئـیءِ جـاهءَ هَـم نـہ زان ایـں یَـک مـردے گـوَشـت مـن تـمَـردءَ نـہ زانـاں بـلے آئـیءِ گـُهـار مـاں مـئے مـیـتَـگءَ نـشـتَـگ تـو بُـرو مـئے مـیـتَـگءِ راسـتـی نـیـمَـگءَ بـچـار اودا گـورّجـاهے هَـسـت مهـلـوُکءَ مُـردگے پـہ گـورّ کـنَـگءَ آورتَـگ اودا لَـهـتے زال نـشـتَـگءُ گـریـوَگءَاَنـت هَـمـا زالانـی دَرمـیـانءَ دگے زالے نـشـتَـگ آ زال مـوتـک کـارایـت آدگے زال گـریـوَگءَ بُـنـاه کـن اَنـت هَـمـا زال تَـمـردءِ گـُهـاراِنـت بـاپـار هَـمـا مـیـتَـگءَ شُـت آئـیءَ دیـسـت لَهـتے مَـردُم گـورّے جَـنَـگءَاَنـت بـلے آدگے نـیـمَگءَ لَـهـتے زال گـریـوَگءُ زار جَـنَـگءَاَنـت هَـنـچـو کـہ گـریـوَگءَ بَـسّ کـن اَنـت آ زال مـوتـک کـارایـت زالاں پــدا گـریـوَگءَ بُـنـاه کـن اَنـت نـوں بـاپـارءَ زانـت کـہ تـمَـردءِ گـُهـار هَـمـیـش اِنـت مَهـلـوُکءَ مُـردَگ کـلّءُ گـورّ کـُـرت رَنـدا یَـکّ ءُ یَـک بـوُت اَنـت زال هَـم دیـم پـہ لـوگـاں شـت اَنـت بـاپـار هَـمـا زالءِ گـورا شـت آئـیءَ گـوَشـت مـن بـاپـارے آں شـرتَـکءَ مـنـی بـوجـیـگ ڈبّـیـنَـگی بـوُتَـگ تَـمَـردءَ مـنءَ مَـدَت کـُـرتَـگ مـن هَـمـا روچءَ کـول کـرتَـگ کـہ مـالءِ نـیـم زرّاں تَـمـردءَ بـہ دَیـاں بـلے مـن تَـمَـردءَ نـہ گـنـداں شـمـئے مـیـتَـگءِ مـردے مـنءَ سـوج دات کـہ تـو تـمـردءِ گـُـهـارئَے نـوں مـن تـئـی گـورا آتـکـگـاں کـہ تـو تَـمـردءِ اَمـانَـتءَ وَتـی گـورا ایـربـہ کـن هَــر وَهــدے کـہ آ آتـک آئـی اِش بـہ دَے زالءَ هـاوَنــدءِ تُـرس مـاں جـانءَ کـپـت آئـیءَ گـوَشـت اِنّـاں مـن تَـمَـردءِ گـُـهـار نَـیـاں پَـمـیـشءَ کہ مـن مـوتـک کـارَگـاں مَـردُم مـنءَ تَـمَـردءِ گـُـهـار زانَـگءَ اَنـت بـلے مـروچـیءَ رَنـد مـنءَ تـوبَـہ اِنـت دگے بَـرےءَ مـن مـوتـک نَـیـاراں تـو بُـرو تَـمَـردءَ دگے جـاهے شـوهـاز بـہ کـن بـاپـار پَـدا پـیـتـیءَ بَـڈ کـُـرت ءُ شـت دیـمـتـرا آئـیءَ چـہ دگے مَـردے جُـسـت کـُـرت آ مـردءَ گـوَشـت تَـمَـردءَ وَ کـَـس نـہ گِـنـدایـت بـلے آئـیءِ بـرات مـاں مـئے مـیـتَـگءَ نـشـتَـگ تـو مـئے مـیـتَـگءَ بُـرو اودا یَـکّ مزَنیں کـهـیــرے گِـنـدئَے آ کـهـیـرءِ بُـنءَ لَـهـتے مَـردُم نـشـتَـگ شـریَـتے جَـنَـگءَاَنـت آیـانی درمـیـانءَ کـازی یے نـشـتَـگ هَـمـا کـازی تَـمـردءِ بـرات اِنـت بـاپـار شُـت آئـیءَ دیـسـت کـهـیـرءِ بُـنءَ مـهـلوُک نـشـتَـگ اَنـت کهـیـرءِ پُـشـتءَ گـُـرانـڈے بـسـتَـگ بـاپـار شـتءُ هَـمـودا نـشـت کـازیءَ شَـریَـت بُـنـگـیـج کـُـرت مـردَکےءَ دگے مَـردے ءِ ڈگـار بَـرَگـی اَت ڈگـارءِ واهُـنـدءَ سـوگـنـد وارت آئـیءَ بـازیـں شـاهِـدءُ گـَـواهے پـیـش کـُـرت بـلے کـازیءَ گـوَشـت تـو دروگ بـنـدئَے ڈگـار اے مَـردءِ اِنـت آسـرا آ مـردءِ ڈگـار شُـت کـازیءَ ڈگـار هَـمـا دگے مـردَکءَ دات آ مَـردَکءَ لَـهـتے زرّ مـاں کـازیءِ کـیـتـوءَ ایـر کـُـرت پـدا آئـیءَ گـوَشـت واجَـہ آ پَـزّوریـں گـُـرانـڈ هَـم تـئـی اِنـت مـن پـہ تـو آورتَـگ کـازی وَشّ بـوُت نـوں بـاپـارءَ زانـت کـہ تَـمَـردءِ بـرات هَـمـیـش اِنـت گـوں کـازیءِ پـادایَـگءَ بـاپـار آتـک ءُ کـازیءِ دَسـت گـپـت اَنـت دراهءُ درَهـبـاتءَ رَنــد بـاپـارءَ گـوَشـت واجَـہ مَـن اِشـکـُـتَگ کہ تـو تـمَـردءِ بـرات ئَے گـڑا اے پـیـتـی تَـمَـردءِ اِنـت اِے اَمانَـتءَ تـو وَتـی بـراتءَ بـہ دَے کـازیءَ گـوَشـت اِنّـاں مَـن تَـمَـردءِ بـرات نَـیـاں پَـمـیـشءَ کـہ مـنـی شَـریَـت رَداَنـت مهـلـوُک مـنءَ تَـمَـردءِ بـرات زانَـگءَ اَنـت بـلے مَـروچـیءَ رَنــد مـنءَ تـوبـہ اِنـت مـن کـسےءِ شـریَـتءَ نـہ جـنـاں کـازیءَ پـدا آ مهـلـوُک تَـوار جَـت اَنـت آئـیءَ گـُـرانـڈ یـلـہ کـُرت کـیـتـو ءِ زرّی هَـم کـشّ اِت ءُ هَـمـا مَـردَکءَ دات اَنـت آئـیءَ جـار جَـت کـہ اے ڈگـار هَـمـا اوَلـی مـردءِ اِنـت کـازیءَ گـوَشـت نـوں تـو بـہ زاں کـہ مـن تـمَـردءِ بـرات نَـیـاں بـاپـارءَ پَـدا پـیـتـی بــڈ کـرت دگے مـیـتَـگـیءَ شُـت بـاپـارءَ چـہ دگے مـردےءَ جُـسـت کـُـرت واجَـہ تـو نـہ زان ئَے کـہ تَـمَـرد کـُجـاه اِنـت مـنءَ تـمَـردءِ اَمـانَـتے گـون اِنـت آ مـردءَ گـوَشـت مـن تَـمَردءَ نـہ دیـسـتَـگ بـلے آئـیءِ مـسـتـریـں بـرات مـاں مـئے مـیـتَـگءَ نـشـتَـگ تـو بُـرو مـیـتَـگءِ مَـسـیـتّءَ بـہ نـنـد آ چـہ درُهـا پـیـسَـرا کـَـیـت ءُ چـہ درُهـا رَنـدءَ دَر کـپ ایـت هَـمـا مَـرد تَـمَـردءِ بـرات اِنـت بـاپـار شُـت مَسـیـتّءَ نـشـت دیـرےءَ رَنـد اسـپـیـت پـوش ءُ اسـپـیـت ریـشّـیـں مـردے آتـک آئـیءَ بـانـگ دات رَنـدا مهـلـوُکّ آتـک اَنـت اسـپـیـت پـوشءَ مهـلـوُکّ نُـمـاز وانـیـنـت اَنـت رَنـدا مهـلـوُک یَـکّءُ یَـکّءَ دَر کـپـتءُ شـت اَنـت آسَـرءَ اسـپـیـت پـوش پـاداتـک رَوگءَ لَگّ اِت بـاپـارءَ شُـتءُ جُـسـت کـُـرت واجَـہ تـو تَـمَـردءِ بـرات ئَے اسـپـیـت پـوشءَ گـوَشـت پـرچـا تـو چـو گـوَشَـگءَئَے بـاپـارءَ گـوَشـت واجَـہ چـہ شـمـئے مـیـتَـگءَ یـکّےءَ مـنءَ سـوج دات کـہ تـو تـمَـردءِ بـرات ئَے پـمـشـا مـن تـئـی گـورا آتـکـاں چـونـاهـی مـنءَ گـوں تـمَـردءَ کـارے هَـسـت مـنءَ تـمـردءِ اَمـانَـتے رَسـیـنَـگـی اِنـت بـلے مـن آرا نـہ گـنـداں واجـہ نـیـگـمَـرد تـو آئـیءِ بـرات ئَے اَگاں تـو آرا گـنـدئَے گـڑا اے اَمانَـتءَ تـمَـردءِ دَسـت بـہ دَے نـیـگـمَـردءَ جُـسـت کـُـرت چـونـیـں اَمـانـتے ؟ بـاپـارءَ گـوَشـت مـن وَتـی سـرجـمـیـں مـال ماں وَتـی بـوجـیـگءَ کـُـرتَـگ اِتـنـت چـہ هـنـدوسـتـانءَ آیَـگ ءَاتـاں شـرتَـکے چـہ گـیـبءَ آتـک زرءَ تـوپّـان کـُـرت مـنـی بـوجـیگ ڈبّگـی اَت مـن هـاوَنـدءَ تَـوار جَـت کـہ مـنءَ مـدَت بـہ کـنـت بـلے هـاوَنـدءَ مـنءَ مـدَت نـہ کـُـرت گـڑا مـن تَـمَـردءَ تـوار جَـت تَـمَـردءَ شـرتَـک بـنـد کـُـرت مـنـی بـوجـیـگ گـوں مـالاں رَکّ اِت مَـن هَـمـودا کـَـول کـُـرت کـہ اگـاں مـنـی بـوجـیـگ گـوں مـالاں بـہ رَکّـیـت مـن وَتـی مـالءِ نـیـمءَ تَـمَردءَ دَیـاں نـوں تَـمَـردءِ نـیـم مـال اِیـش اَنـت پـیـتـیءِ تـهـا اَنـت تـو بـہ زوراِش مـنـی بـارءَ سُـبُـکّ بـہ کـن نـیـگـمَـردءَ گـوَشـت واجَـہ بـاپـار چـو نَے اِنـت اگـاں تـو بـاپـارے ءِ گــڑا مـن هَـم نـیـگـمَـردیـاں تـو تَـمَـردءَ رَد دات کـن ئَے بـلے مـنءَ رَد دات نـہ کـن ئَے اودا تـو ماں زرءِ تـهـا وَتـی بـوجـیـگءِ سـرا نـشتگ ءُ کـُول کـُـرتَـگ تـو گوَشـتَـگ کـہ اگـاں مـنـی بـوجــیـگ گـوں مـالاں بـہ رَکّ ایـت مـن مـالءِ نـیـم زرّ تَـمَـردءَ دَیـاں اے زرّ کـہ تـو آورتَـگ اَنـت اے زرّ ایـوَکءَ تـئـی مـالءِ زرّاَنـت اَچـا بـوجـیـگءِ نـیـم زرّ کـُجـاه اَنـت ؟ تـو اے زرّاں مـنـی گـورا ایـرکـنءُ بُـرو بـوجـیـگءِ نـیـم زراں زوُرءُ بـیـار گـڑا تَـمَـرد تـئـی کـولءَ مَـنّ ایـت اگـاں نـاں مـن تـمَـردءَ گـوَشـاں دگے بَـرے تـرا ءُ تـئـی بـوجـیـگءَ بـہ ڈبّـیـن ایـت .